KF Bashkimi nga Kumanova ka shprehur ngushëllimet për ndarjen nga jeta të Sadush Sherifit, një prej tifozëve më besnikë të klubit dhe një prej anëtarëve të parë në formimin e tifogrupit “Ilirët”. Klubi e kujton Sadushin si pjesë të pandashme të familjes zi e gjelbër, duke i shprehur ngushëllime familjes Sherifi, të afërmve, miqve dhe gjithë tifozëve të “Ilirëve”.
Postimi i plotë:
Me pikëllim të thellë morëm lajmin për ndarjen nga jeta të Sadush Sherifit, një prej tifozëve më besnikë të FC Bashkimi 1947 dhe një prej anëtarëve të parë në formimin e tifogrupit “Ilirët”.
Sadushi ishte pjesë e pandashme e familjes së madhe zi e gjelbër, duke e mbështetur klubin me përkushtim dhe dashuri ndër vite.
Në këto momente të dhimbshme, FC Bashkimi 1947 i shpreh ngushëllimet më të sinqerta familjes Sherifi, të afërmve, miqve dhe të gjithë tifozëve të “Ilirëve”.
Allahu e mëshiroftë Sadushin dhe familjes së tij ua dhëntë sabrin. 🤲
Të Allahut jemi dhe tek Ai do të kthehemi.
🖤💚 FC BASHKIMI 1947
