Filipçe: “Reformistët” janë puçistë të VMRO-DPMNE-së
Një grup i vogël puçistësh dhe satelitë të kryeministrit Mickoski. Kështu i ka quajtur kreu i LSDM-së, Venko FIlipçe, përfaqësuesit e Platformës 12:05 të cilët të shtunën e akuzuan atë për pengimin e reformimit të partisë.
“Dje pamë në një vend, një grup të vogël puçistësh ish bartës funksionesh në LSDM, por edhe anëtarë të partive tjera, të PLD-së, njerëz të punësuar nga Lëvizja E DI dhe partisë e Majta, partia e cila ka krejtësisht politika të kundërta vlerash, nga ato të tonat, partia e cila hapur përfaqëson interesa Ruse dhe Kineze këtu tek ne dhe financohet nga Rusia dhe Kina, këtu në vend të NATO-s. Kjo parti gjatë vizitës së sekretarit të NATO-s, Mark Rute, mbante pankartë në Kuvend “Nato vrasës”. Të gjithë ata ishin ulur në një vend, të gjithë satelit të Hristijan Mickoskit të ulur në një vend. Shizofreni totale.”, deklaroi kreu i LSDM-së, Venko FIlipçe.
Sipas kreut social demokrat, Filipçe, ata janë përkrahur nga mediat dhe portalet e ish kryeministrit hungarez, Viktor Orban, ndërsa kanë për qëllim ta defokusojnë LSDM-në nga kritikat ndaj kryeministrit Mickoski dhe Qeverisë.
