Ai tha se protestat dhe aktivitetet në mbështetje të ish-krerëve të UÇK-së do të vazhdojnë në Kosovë dhe në të gjitha hapësirat ku jetojnë shqiptarë në Maqedoninë e Veriut.
“Sot në Sheshin ‘Skënderbeu’ është vetëm fillimi. Shqiptarët nuk mund të pranojnë që në emër të tyre të dënohen çlirimtarët”, tha Ahmeti.
Ai kritikoi edhe nisjen e procesit mbi bazën e raportit të Dick Martyt, duke e cilësuar atë si një akt që, sipas tij, ka njollosur popullin shqiptar.
Ahmeti kërkoi angazhim më të madh diplomatik nga institucionet e Kosovës dhe Shqipërisë për të shpjeguar çështjen para vendeve evropiane që financojnë Gjykatën Speciale.
