Ambasadorja amerikane Anxhela Ageler u ka shprehur ngushëllime familjarëve të viktimave në zjarrin në diskotekën në Koçan.
“Zemra më këputet nga shumë viktimat në zjarrin e mbrëmshëm në klubin e natës në Koçan. Ngushllimet tona më të sinqerta për viktimat dhe familjarëve të tyre në këtë kohë të tmerrshme, ndërsa u dëshirojmë rikuperim të shpejtë të lënduarve. Humbja e aq të rinjve në një komunitet është tragjedi e tmerrshme”, shkruan Ageler në publikimin në profilin në Fejsbuk të Ambasadës së SHBA-së në vend.
Ajo njofton se ia ka ofruar kryeministrit të gjitha resurset e Ambasadës dhe tërë ndihmën dhe dërgon lutje për të gjithë që vuajnë sot.
