Kryetari i Kuvendit të Maqedonisë së Veriut, Afrim Gashi, po merr pjesë në Samitin e Diasporës Shqiptare që po mbahet sot në Tiranë, ku është i ftuar si panelist në një nga diskutimet kryesore të forumit.
Në këtë samit, i cili mbledh përfaqësues politikë, institucionalë, akademikë dhe biznesmenë nga diaspora shqiptare në mbarë botën, Gashi do të kontribuojë në diskutimet që lidhen me rolin e diasporës në zhvillimin ekonomik, politik dhe kulturor të vendeve ku jetojnë shqiptarët.
Gjatë panelit, pritet që Gashi të theksojë rëndësinë e bashkëpunimit ndërinstitucional dhe fuqizimit të lidhjeve midis diasporës dhe institucioneve shtetërore, duke vënë theksin në potencialin e madh që diaspora shqiptare paraqet për zhvillimin rajonal.
Samiti i Diasporës Shqiptare konsiderohet një nga ngjarjet më të rëndësishme që synon krijimin e urave të bashkëpunimit ndërmjet shqiptarëve në mbarë botën, si dhe koordinimin e projekteve konkrete për zhvillim ekonomik, investime dhe shkëmbime profesionale.
Pjesëmarrja e Afrim Gashit në këtë forum vlerësohet si një hap i rëndësishëm për forcimin e bashkëpunimit institu
