Një avion me 138 pasagjerë nga Dubai u ul pasdite në aeroportin e Tivarit, njoftoi Ministria e Punëve të Jashtme e Malit të Zi.
“Së bashku me qytetarët malazezë, në fluturim ishin edhe qytetarë të Serbisë, Bosnjës dhe Hercegovinës, Kroacisë, Maqedonisë së Veriut, Italisë, Greqisë, Shteteve të Bashkuara të Amerikës, Turqisë dhe Republikës së Afrikës së Jugut,” njoftoi Ministria e Punëve të Jashtme në platformën X.
Fluturimi, shtuan ata, u organizua falë koordinimit të qeverisë malazeze, kompanisë ajrore FlyDubai dhe Ambasadës së Malit të Zi në Abu Dabi./lajmpress.org/
