Një tërmet me magnitudë 2.2 sipas shkallës Rihter është regjistruar herët në mëngjes në Tetovë dhe rrethinë, njofton Qendra Evropiane-Mesdhetare për Sizmiologji.
Tërmeti ka ndodhur në orën 05:21 dhe është lokalizuar rreth nëntë kilometra në jugperëndim të Tetovës, në një thellësi prej pesë kilometrash.
Sipas sizmologëve, bëhet fjalë për një tërmet me intensitet të ulët, i cili është ndier kryesisht nga banorët që ndodheshin në afërsi të epiqendrës.
Janë prononcuar edhe nga Opservatori Sizmologjik pranë FSHMN-së në Shkup.
Sipas tyre, një tërmet me intensitet prej III gradë sipas Shkallës Evropiane Makrosizmike është ndier gjithashtu në orën 05:21 në Gostivar dhe rrethinë.
Epiqendra ndodhet në zonën Tetovë–Gostivar, rreth 45 kilometra në perëndim të Shkupit, me magnitudë lokale Rihter ML 2.2, njofton Opservatori Sizmologjik pranë FSHMN-së në Shkup.
