Një program i ri bashkëpunimi zvicerano-shqiptar u lansua sot, me një buxhet prej 58 milionë CHF për të forcuar qeverisjen demokratike, zhvillimin ekonomik dhe shërbimet e infrastrukturës në Shqipëri.
Zvicra dhe Shqipëria lansuan sot një fazë të re të programit të tyre të bashkëpunimit dypalësh për vitet 2026–2028, duke shënuar më shumë se 30 vjet partneritet të vazhdueshëm zvicerano-shqiptar.
Një program i ri bashkëpunimi zvicerano-shqiptar u lansua sot, me një buxhet prej 58 milionë CHF për të forcuar qeverisjen demokratike, zhvillimin ekonomik dhe shërbimet e infrastrukturës në Shqipëri.
Zvicra dhe Shqipëria lansuan sot një fazë të re të programit të tyre të bashkëpunimit dypalësh për vitet 2026–2028, duke shënuar më shumë se 30 vjet partneritet të vazhdueshëm zvicerano-shqiptar.
Ambasadorja e Zvicrës në Shqipëri, Ruth Huber përshëndeti pjesëmarrësit dhe mbajti fjalën përmbyllëse, duke theksuar ndryshimet e shpejta që po ndodhin në vend dhe fokusin te krijimi i më shumë lidhjeve.
“Në këto vitet e ardhshme ne do të shfrytëzojmë diçka unike: partneritete të drejtpërdrejta institucionale midis autoriteteve shqiptare dhe qendrave federale zvicerane të kompetencës – në shkencën e ujit, energjinë, statistikat, metrologjinë, pronësinë intelektuale dhe më shumë”, tha Huber.
Zvicra është një nga partnerët kryesorë dypalësh të zhvillimit të Shqipërisë, me një histori suksesi që përfshin mbi tre dekada dhe një kontribut prej mbi 500 milionë frangash zvicerane në fusha duke përfshirë qeverisjen demokratike, reformën e qeverisjes vendore, arsimin profesional, mbështetjen makroekonomike dhe shëndetësinë. Bashkëpunimi zbatohet bashkërisht nga dy agjenci qeveritare zvicerane, SDC dhe SECO./oranews.tv/
