Komisioni i Ankesave i Këshillit për Etikë në Media i Maqedonisë mori 244 ankesa për raportim joetik në media vitin e kaluar, që është numri më i madh deri më tani, informoi sot KEMM. Nga këto, 145 ishin pa bazë për shqyrtim, ndërsa Komisioni shqyrtoi dhe mori vendime për 96 ankesa. Më shpesh, shkeljet lidheshin me nenet një, tre dhe dhjetë të Kodit të Gazetarëve. Numri më i madh i ankesave lidhej me përmbajtjen e publikuar në portale interneti, 78, në mediat e shkruara dhe botimet e tyre në internet 11, në ueb-faqet e televizioneve gjashtë, dhe një ankesë për përmbajtjen e transmetuar në televizion, transmeton Portalb.mk.
