Filmi i regjisorit Ryan Coogler, Sinners, ka thyer një rekord historik në nominimet për Çmimet Akademike “Oscar” për vitin 2026, duke siguruar 16 nominime – më shumë se çdo film tjetër në histori. Ky film, i njohur për kombinimin e tij unik të dramës dhe elementeve të zhanrit, udhëheq listën e nominimeve për Çmimet e 98-ta Akademike, duke përfshirë kategoritë kryesore si Filmi më i Mirë, Regjia më e Mirë dhe Skenari Origjinal.
Me këtë arritje, Sinners e ka vendosur rekordin e ri, duke lënë pas filma të famshëm si All About Eve, Titanic dhe La La Land, të cilët kishin mbajtur më parë rekordin me nga 14 nominime secili.
Nominimet e jashtëzakonshme të filmit përfshijnë edhe kandidaturën e aktorit Michael B. Jordan për Aktorin më të Mirë në Rol Kryesor, si dhe emërime në kategori teknike dhe artistike të shumta që tregojnë vlerësimin e gjërë të Akademisë për aspektet e ndryshme të produksionit. Ceremonia e ndarjes së çmimeve do të mbahet më 15 mars 2026, ku Sinners do të konkurrojë për disa nga çmimet më prestigjioze të industrisë së filmit.
