Deri më 25 dhjetor, Ministria e Arsimit pritet ta vendosë në diskutim publik ligjin e ri për arsimin e lartë. Ministrja Vesna Janevska njoftoi se ligji sjell kritere më të rrepta për avancimet akademike, me qëllim rritjen e cilësisë në fakultete dhe ngritjen e universiteteve të vendit në listën e Shangait. Parashikohen edhe ndryshime të tjera, nga çlirimi i organizimit studentor nga ndikimet e brendshme, deri te mënyra e re e financimit të universiteteve që tregojnë rezultate. Ndërkohë, pas tërheqjes së konceptit të parë për gjimnazet, së shpejti pritet drafti i ri. Sipas ministres, dy vitet e para do të jenë të përgjithshme, ndërsa vitet e tretë dhe të katërt do të ndahen në dy drejtime: natyror-matematikor dhe shoqëror.
“Dhe në këtë mënyrë, mund të arrijmë një numër punimesh të botuara në revista me një faktor ndikimi që do të na ndihmojë të ngjitemi në renditje. Për një kohë të gjatë, si qeveri dhe si ministre, kemi promovuar të paktën një, dhe do të doja që të gjitha universitetet shtetërore të përfshihen në listën e Shangait, sepse jemi të padukshëm dhe nuk jemi në listat e renditjes. Prandaj, për ta arritur këtë, duhet t’i motivojmë disi mësuesit që të përfshihen pak më shumë në proceset shkencore dhe arsimore”, tha Vesna Janevska, ministre e Arsimit. /Alsat.mk
