Një apel prekës për ndihmë është publikuar në rrjetet sociale për një ish-luftëtar të Ushtrisë Çlirimtare Kombëtare (UÇK) nga Kumanova, i cili po përballet me kushte të rënda jetese dhe probleme të rënda shëndetësore, përcjell agjencia e lajmeve INA.
Sipas njoftimit, ish-luftëtari është i sëmurë, jeton në kushte të vështira dhe nuk ka strehim të sigurt. Familja e tij është katëranëtarëshe, ndërsa njëra nga vajzat e tij vuan gjithashtu nga sëmundje dhe ka nevojë për përkujdesje të vazhdueshme.
Përballë kësaj situate, ai e ka të vështirë të sigurojë edhe nevojat bazë për familjen. Për këtë arsye, qytetarët me mundësi financiare janë ftuar të tregojnë solidaritet dhe ta ndihmojnë familjen.
“Çdo ndihmë, sado e vogël, mund të bëhet një shpresë e madhe për ta”, thuhet në apelin e publikuar.
Të gjithë ata që dëshirojnë të kontribuojnë ose të ofrojnë ndihmë mund të kontaktojnë në numrat e telefonit
071 422 594
071 346 323
