Presidenti i Shtetet e Bashkuara të Amerikës, Donald Trump, ka hedhur poshtë spekulimet mbi një skenar të mundshëm që do të shihte Italinë në vend të Iranit në Kupën e Botës.
“Nuk po mendoj shumë për këtë çështje”, u shpreh Trump kur u pyet mbi mundësinë e një “ripeshkimi” të italianëve për turneun e ardhshëm. Ideja ishte përmendur më herët nga i dërguari i tij special, Paolo Zampolli, sipas një raportimi të Financial Times.
Në të njëjtën linjë ishte edhe Sekretari i Shtetit, Marco Rubio, i cili sqaroi se nuk ekziston asnjë komunikim zyrtar nga SHBA që ndalon Iranin të marrë pjesë në Botëror. “Asnjë mesazh nga SHBA nuk u është dërguar atyre për t’u thënë se nuk mund të vijnë”, deklaroi Rubio, duke shtuar se nuk e di origjinën e këtyre zërave.
Megjithatë, ai theksoi se sportistët janë të mirëpritur, por autoritetet amerikane nuk duan persona të lidhur me Gardë Revolucionare Iraniane.
Debati për pjesëmarrjen e Iranit dhe mundësinë e zëvendësimit me Italinë ka ngjallur reagime në arenën ndërkombëtare, por deri tani nuk ka asnjë vendim konkret. Në këtë situatë, gjithçka mbetet në nivel spekulimesh, ndërsa Botërori afrohet dhe skuadrat përgatiten për turneun më të madh të futbollit.
