Presidenti ukrainas, Volodymyr Zelensky, i ka dorëzuar Presidentit amerikan, Donald Trump një letër nga Zonja e Parë e Ukrainës, drejtuar Melania Trump.
“Gruaja ime, Zonja e Parë e Ukrainës, e dha letrën. Nuk është për ju – është për gruan tuaj,” tha ai, duke shkaktuar të qeshura në sallë, raporton CNN, përcjell Reporteri.net.
Presidenti amerikan, Donald Trump, tha se javët në vijim do të tregojnë nëse është arritur përparim për t’i dhënë fund luftës së Rusisë në Ukrainë.
“Mendoj se presidenti Putin dëshiron gjithashtu të gjejë një përgjigje, dhe do të shohim”, tha Trump.
“Në një periudhë të caktuar kohore, jo shumë larg, një ose dy javë, do ta dimë nëse do ta zgjidhim këtë ose nëse kjo luftë e tmerrshme do të vazhdojë”, theksoi ai.
Pasi pjesa publike e takimit të tyre përfundoi, Trump i takoi privatisht liderët evropianë dhe Zelenskyn.Trump para liderëve evropianë: Rusia do t’i pranojë garancitë e sigurisë, do t’i diskutojmë këmbimet e mundshme territoriale
18 Gusht 2025 | 22:43
Presidenti amerikan Donald Trump ka ndarë detaje me udhëheqësit evropianë për bisedimet që pati me homologun e tij rus Vladimir Putin, në Alaska.
Trump ka pohuar se Rusia do të pranojë garanci sigurie për Ukrainën, por shton se do të diskutohen ‘shkëmbime të mundshme territoriale’.
Trump shprehet se pas samitit të tij me Putinin ai beson se paqja është “e arritshme”.
Në një “hap të rëndësishëm”, Putini u pajtua që Rusia do të pranonte garanci sigurie për Ukrainën, thotë ai.
Ai shtoi se udhëheqësit në këtë takim do të shqyrtojnë “kush do të bëjë çfarë, në thelb” në lidhje me sigurinë e ardhshme të Ukrainës.
Trump pohon se është optimist se grupi mund të arrijë një marrëveshje që do të pengojë agresionin e ardhshëm kundër Ukrainës, duke shtuar:
Në fakt mendoj se nuk do të ketë. Madje mendoj se kjo është kryesisht e mbivlerësuar.
“Mendoj se kombet evropiane do të marrin një pjesë të madhe të barrës”, thotë ai, duke përsëritur se SHBA-të do të jenë të përfshira. “Ne do t’i ndihmojmë ata.”
Në takim do të diskutohet gjithashtu “shkëmbimet e mundshme të territorit”, shton ai.
“Tokë për paqe”, harta e territoreve ukrainase të pushtuara nga rusët në Shtëpinë e Bardhë, pjesë e bisedimeve Trump-Zelensky
18 Gusht 2025 | 22:40
Në Zyrën Ovale, një hartë e madhe e Ukrainës ishte shfaqur përballë vendit ku ishin ulur Trump dhe Zelensky.
Kyiv Post, shkruan në rrjetin “X” se pjesa lindore, e theksuar me ngjyrë rozë, tregonte afërsisht 20% të vendit nën kontrollin rus.
“Një kujtesë e zymtë e luftës gati katërvjeçare dhe një mjet i mundshëm për Trump për të ushtruar presion mbi Zelenskyn që të merrte në konsideratë marrëveshjen tokë-për-paqe pasi mediat të ishin larguar”, thuhet në postim.
Hartën e përmendi edhe Zelensky. Ai tha se i ka treguar Trumpit “shumë detaje” në një hartë të fushëbetejës, raporton BBC, përcjell Reporteri.net.
Ai e cilësoi takimin me Trumpin si shumë konstruktiv.
