{"id":45311,"date":"2025-12-09T15:30:27","date_gmt":"2025-12-09T15:30:27","guid":{"rendered":"https:\/\/radiojehona.com\/?p=45311"},"modified":"2025-12-09T15:30:27","modified_gmt":"2025-12-09T15:30:27","slug":"mpb-apelon-te-mos-perdoren-piroteknike-per-naten-e-vitit-te-ri","status":"publish","type":"post","link":"https:\/\/radiojehona.mk\/?p=45311","title":{"rendered":"MPB apelon t\u00eb mos p\u00ebrdoren piroteknik\u00eb p\u00ebr nat\u00ebn e Vitit t\u00eb Ri"},"content":{"rendered":"\n
\"\"<\/figure>\n\n\n\n

Fishekzjarr\u00ebt nuk jan\u00eb lodra, p\u00ebrdorimi i tyre \u00ebsht\u00eb rrept\u00ebsisht i ndaluar sepse mund t\u00eb jen\u00eb jasht\u00ebzakonisht t\u00eb rrezikshme p\u00ebr jet\u00ebn dhe sh\u00ebndetin e njer\u00ebzve, ve\u00e7an\u00ebrisht t\u00eb rinjve, dhe mund t\u00eb l\u00ebn\u00eb pasoja afatgjata. Kjo \u00ebsht\u00eb pjes\u00eb e apelit q\u00eb Ministria e Pun\u00ebve t\u00eb Brendshme (MPB) u d\u00ebrgoi sot qytetar\u00ebve, n\u00eb t\u00eb cilin u b\u00ebn thirrje t\u00eb p\u00ebrmbahen nga p\u00ebrdorimi i piroteknik\u00ebs gjat\u00eb festave t\u00eb Vitit t\u00eb Ri.<\/p>\n\n\n\n

Ministria thot\u00eb se po nd\u00ebrmarrin aktivitete t\u00eb vazhdueshme me dinamik\u00eb t\u00eb shtuar para Vitit t\u00eb Ri, kur p\u00ebrdorimi i piroteknik\u00ebs \u00ebsht\u00eb m\u00eb i p\u00ebrhapur, dhe me q\u00ebllim rritjen e nd\u00ebrgjegj\u00ebsimit tek t\u00eb rinjt\u00eb, por edhe tek prind\u00ebrit e tyre p\u00ebr d\u00ebmet dhe pasojat q\u00eb mund t\u00eb shkaktojn\u00eb k\u00ebto mjete.<\/p>\n\n\n\n

\u201cMinistria e Pun\u00ebve t\u00eb Brendshme po nd\u00ebrmerr gjithashtu kontrolle aksionale, me q\u00ebllim sanksionimin e p\u00ebrdorimit t\u00eb fishekzjarr\u00ebve dhe mjeteve tjera piroteknike dhe u kujton qytetar\u00ebve dispozitat ligjore q\u00eb sanksionojn\u00eb p\u00ebrdorimin e piroteknik\u00ebs dhe shitjen e tyre t\u00eb paligjshme\u201d, thot\u00eb Ministria.<\/p>\n\n\n\n

N\u00eb k\u00ebt\u00eb drejtim, ata kujtojn\u00eb dispozitat ligjore q\u00eb sanksionojn\u00eb p\u00ebrdorimin e piroteknik\u00ebs. Ata i referohen Ligjit p\u00ebr Veprat Kund\u00ebr Rendit Publik, i cili n\u00eb nenin 31 parashikon gjob\u00eb p\u00ebr k\u00ebdo q\u00eb p\u00ebrdor piroteknik\u00eb pa autorizim.<\/p>\n\n\n\n

Ministria e Brendshmekujton gjithashtu nenin 396 t\u00eb Kodit Penal, i cili sanksionon prodhimin, posedimin dhe tregtimin e paautorizuar t\u00eb arm\u00ebve ose eksploziv\u00ebve, dhe i cili thot\u00eb se:<\/p>\n\n\n\n

\u201c(1) Kushdo q\u00eb prodhon, posedon, shet, siguron ose shk\u00ebmben arm\u00eb zjarri, municion ose eksploziv\u00eb pa autorizim d\u00ebnohet me burgim p\u00ebr afat prej tre deri n\u00eb dhjet\u00eb vjet;<\/p>\n\n\n\n

(2) N\u00ebse objekti i vepr\u00ebs penale t\u00eb p\u00ebrmendur n\u00eb paragrafin 1 \u00ebsht\u00eb  sasi m\u00eb e madhe e arm\u00ebve t\u00eb zjarrit, municionit ose eksploziv\u00ebve, ose arm\u00ebve t\u00eb zjarrit, municionit ose eksploziv\u00ebve q\u00eb jan\u00eb t\u00eb ndaluara p\u00ebr qytetar\u00ebt, autori d\u00ebnohet me t\u00eb pakt\u00ebn pes\u00eb vjet burg\u201d, thot\u00eb Ministria e Brendshme.<\/p>\n\n\n\n

Ministria gjithashtu u b\u00ebn thirrje prind\u00ebrve t\u00eb mos blejn\u00eb piroteknik\u00eb p\u00ebr f\u00ebmij\u00ebt e tyre, pik\u00ebrisht p\u00ebr shkak t\u00eb pasojave tragjike q\u00eb ato mund t\u00eb shkaktojn\u00eb n\u00eb sh\u00ebndetin dhe jet\u00ebn e tyre.<\/p>\n\n\n\n

\u201cU b\u00ebjm\u00eb thirrje qytetar\u00ebve q\u00eb t\u00eb respektojn\u00eb rregulloret ligjore dhe t\u00eb bashk\u00ebpunojn\u00eb me policin\u00eb, si dhe t\u00eb raportojn\u00eb t\u00eb gjitha shkeljet e rendit dhe qet\u00ebsis\u00eb publike n\u00eb nj\u00eb stacion policor ose duke telefonuar n\u00eb numrat e telefonit 192 ose 112\u201d, tha Ministria.<\/p>\n\n\n\n

Paraprakisht, ata informuan se dje n\u00eb mbr\u00ebmje n\u00eb Shtip u gjet\u00ebn 4.300 cop\u00eb piroteknik\u00eb, p\u00ebr t\u00eb cilat nj\u00eb person u privua nga liria.<\/p>\n\n\n\n

Sipas Ministris\u00eb s\u00eb Brendshme, zyrtar\u00ebt e policis\u00eb nga Sektori p\u00ebr Pun\u00eb t\u00eb Brendshme (SPB) Shtip dje n\u00eb or\u00ebn 20:15 e privuan nga liria M. N. (47), banor i qytetit, pasi gjat\u00eb nj\u00eb kontrolli t\u00eb tezg\u00ebs s\u00eb tij n\u00eb sheshin e qytetit \u201cLiria\u201d gjet\u00ebn dhe sekuestruan 1.340 cop\u00eb piroteknik\u00eb t\u00eb ndryshme. M\u00eb von\u00eb, me urdh\u00ebr gjykate, u krye nj\u00eb kontroll n\u00eb sht\u00ebpin\u00eb e tij, gjat\u00eb s\u00eb cil\u00ebs u gjet\u00ebn edhe 2.993 cop\u00eb piroteknik\u00eb.<\/p>\n\n\n\n

\u201cPersoni \u00ebsht\u00eb ndaluar n\u00eb stacionin policor dhe prokurori publik \u00ebsht\u00eb njoftuar p\u00ebr incidentin. Pas dokumentimit t\u00eb plot\u00eb t\u00eb rastit, kund\u00ebr tij do t\u00eb ngrihen kall\u00ebzime penale p\u00ebrkat\u00ebse sipas nenit 396 t\u00eb Kodit Penal\u201d, tha Ministria e Brendshme.<\/p>\n\n\n\n